नेपाल सरकार
गृह मन्त्रालय
जिल्ला प्रशासन कार्यालय,
इलाम


  
सेवामैत्री प्रशासनः स‌ङ्घीयतामा सुशासन

२०७३ चैत्र ३१ गतेसम्म राहदानी (MRP) फाराम पेश गर्नेहरुको राहदानी वितरण भइरहेको जानकारी गरिन्छ । विस्तृत नामावली यसै पृष्ठको बायाँ तिर रहेको "डाउनलोड" मिन्युमा गएर डाउनलाेड गरी हेर्न सक्नुहुनेछ ।

 

 

 

इलाम जिल्ला

नेपालको सुदूर पूर्वको मध्य पहाडी भू–भागमा अवस्थित इलाम जिल्ला प्राकृतिक र भोगौलिक रुपले अत्यन्त रमणीय छ । विशेषगरी इलाम जिल्लालाई ७ "अ" (अदुवा, अलैंची, आलु, अम्लिसो, ओलन, अकबरे खोर्सानी, अर्थोडक्स चिया) ले चिनिन्छ । इलाम जिल्लाको नामाकरण लिम्बू भाषाबाट भएको मानिन्छ । लिम्बू भाषामा ’इ` भनेको ”घुमाउरो" र ’लाम’ भनेको "बाटो" =(इ लाम) अथवा घुमाउरो बाटो भन्ने बुझिन्छ । त्यसैगरी इलाम नामाकरणमा लाप्चा भाषाको ’इलोम’ (पुत्का उडेको वा बसेको ठाउँ) बाट उत्पति भएको अर्को जनमानसमा मत रहेको छ । यसरी हेर्दा यस जिल्लाको नाम दुवै भाषाबाट उपयुक्त रहेको छ ।

 

इलामको भौगोलिक स्थिति

यस जिल्लाको पूर्वतर्फ भारतको दार्जीलिङ्ग, पश्चिमतर्फ मोरङ्ग र पाँचथर जिल्ला, दक्षिणतर्फ झापा जिल्ला र उत्तरतर्फ पाँचथर जिल्लाहरु पर्दछन् । यो जिल्ला १७०३ वर्ग किलोमिटर (१७१७५ हे.) क्षेत्रफलमा फैलिएको छ । यस जिल्लाको अक्षांक्ष २६ डिग्री ४०’ देखि २७ डिग्री ८०’ उत्तरसम्म र देशान्तर ८७ डिग्री ४०’ देखि ८८ डिग्री १०’ पूर्वसम्म फैलिएको छ । यस जिल्लामा २ नगरपालिका र ४५ गा.वि.स.हरु रहेका छन् । यस जिल्लाको सदरमुकाम इलाम १२९८ मिटरको उचाईमा अवस्थित छ ।

 

हावापानी

समशीतोष्ण जलवायु भएको यस जिल्लाको औषत् अधिकतम् तापक्रम उचाई अनुसार ३१डिग्री से. र न्यूनतम् तापक्रम ० डिग्री से. सम्म पुग्दछ । धेरैजसो कुहिरो र हुस्सुले ढाकिने यो जिल्लामा वर्षा याममा बढी पानी पर्दछ । पर्यटकीय दृष्टिकोणले इलाम भ्रमणका निम्ति बसन्त ऋतु र शरद ऋतु उत्तम मानिन्छ ।

 

जनसंख्या

       पुरुष: १४११२६ (४८.६२ प्रतिशत)                महिला: १४९१२८ (५१.३८ प्रतिशत)

       कूल जनसंख्या: २९०२५४                          जनघनत्व: १७०

       लैङ्गिक अनुपात: ९४.६                             जनसंख्या बृद्धिदर: १.६४

 

जाति, धर्म, भाषा तथा मौलिक संस्कृति

यस जिल्लामा ब्राह्मण, क्षेत्री, लिम्बू, राई, गुरुङ्ग, तामाङ्ग, आदिको मुख्य बसोबास रहेको छ भने धर्मको आधारमा हिन्दु– ४४.४९ प्रतिशत, किरात– ३५.६१ प्रतिशत, बौद्ध– १५.२९ प्रतिशत, क्रिश्चियन– २.५० प्रतिशत, प्राकृत– १.३४ प्रतिशत, इस्लाम– ०.०८ प्रतिशत र अन्य– ०.७० प्रतिशत रहेको छ । यहाँ नेपाली, लिम्बू, राई, मगर, गुरुङ्ग, आदि प्रमुख भाषाहरु बोल्ने गरेको पाइन्छ । यहाँका मौलिक नाचहरुमा धान नाच, च्याब्रुङ नाच, डम्फू नाच, मारुनी नाच, संगिनी नाच, बालन नाच, दमाई नाच, लेप्चा नाच, रोपाई जात्रा, गाई जात्रा, भजन कीर्तन आदि पर्दछन् ।

 

धार्मिक स्थलहरु

यस जिल्लाका नारायणस्थान, पाथीभरादेवी, सेतीदेवी, पञ्चकन्यादेवी, माईपोखरी, गजुरमुखी, माईस्थान, माङ्मालुङ्ग र सिंहदेवी आदि प्रमुख धार्मिक स्थलहरु हुन् ।

 

पर्यटकीय स्थलहरु

इलाम जिल्ला स्थित पर्यटकीय स्थलहरुमध्ये माईपोखरी (२१२१ मिटर), श्रीअन्तु (१६७७ मिटर), सन्दकपुर (३६३६ मिटर), सिद्धिथुम्का (१८०० मिटर), छिन्तापु (३३५३ मिटर) र कन्याम आदि प्रसिद्ध छन् ।

 

  • २०७३।१२।३१ सम्म फाराम पेश गर्नेको राहदानी बनी आएको २०७४-१-१९

    २०७३।१२।३१ सम्म फाराम पेश गर्नेको राहदानी बनी आएको हुँदा सम्बन्धित व्यक्तिले यस कार्यालयमा सम्पर्क राख्नुहुन अनुराेध छ ।

  • घुम्ति शिविर २०७३-३-१३

    गत मिति २०७३।०२।२८ गतेदेखि २०७३।०२।३० गतेसम्म जिल्ला प्रशासन कार्यालय इलामको मुख्य आयोजनामा  इलाम जिल्ला शान्तिपुर गाविसमा एकीकृत घुम्ती सेवा सञ्चालन गरियो । उक्त घुम्ती शिविरमा जिल्ला प्रशासन कार्यालयबाट २९० जनालाई नागरिकता वितरण¸ जिल्ला निर्वाचन कार्यालयबाट ३२७ जनाको मतदाता नामावलीमा नाम दर्ता¸ महिला तथा बालबालिका कार्यालयबाट १४ जनालाई अपाङ्गता परिचय पत्र वितरण (रातो १¸ नीलो ६¸ पहेँलो ५¸ सेतो २)¸ जिल्ला कृषि विकास कार्यालय¸ जिल्ला स्वास्थ्य कार्यालयबाट ८० जनाको स्वास्थ्य परीक्षण¸ जिल्ला पशु सेवा कार्यालयबाट १४५ जना कृषकलाई परामर्श सेवा¸ १९० घरधुरीमा जम्मा १७३० (४२९ बाछाबाछी¸ ६४ राँगा भैंसी¸ १२०७ बाख्रा¸ २९ सुँगुर¸ १ घोडा) पशुको लागि निःशुल्क औषधी वितरण लगायतका सेवा प्रदान…

  • नयाँ बर्षसँगै सी सी क्यामेराबाट निगरानी २०७३-१-१२

    इलाम बैशाख ०२, नयाँबर्ष २०७३ को सुरुवाती अवस्थामा  प्रविधिको विकासक्रमसँगै कार्यालयको विविध पक्ष वा काम कार्यवाहीहरुलाई चुस्त दुरुस्त बनाउने अभिप्राय र सम्भावित नकरात्मक घटना, कार्यहरुलाई निगरानीमा राखि त्यस्ता अवान्छित गतिविधीहरुलाई नियन्त्रण गर्नका लागि जिल्ला प्रशासन कार्यालय इलामले अापःनाे कार्यालय परिसरमा र कार्यकक्षमा गरी जम्मा ७ वटा सी सी क्यामेरा जडान गरी सेवाग्राहीलाई समेत सुचित गराएको छ ।

  • घुम्ती सेवा २०७३-१-२०

    मिति २०७३ साल बैशाख २० गतेदेखि २२ गतेसम्म जिल्ला प्रशासन कार्यालय इलामको मुख्य आयोजनामा इलाम जिल्लाकाे बाँझाे गाविसमा ३ दिने बृहत् घुम्ती सेवा शिविर सञ्चालन भइरहेकाेले उक्त स्थानमा गइ सेवा लिनुहुन सम्बन्धित सबैकाे जानकारीकाे लागि जिल्ला प्रशासन कार्यालय इलाम अनुराेध गर्दछ ।

  • संध संस्था विधानको नमुना २०७३-४-१८

    संघ संस्थाको विधानको नमुना हेर्न परेमा यहाँ बाट अथवा यस वेभ साईटको "डाउनलोड" मा गएर डाउनलोड गर्न सक्नुहुनेछ ।

© सर्वाधिकार सुरक्षित गृह मन्त्रालय